مرحبا الرضاعة مع الحمل لا تتعارض رح اشارك معك بعض من الحقائق العلمية والمغالطات عن رضاعة الام الحامل وبتمنى يطمن قلبك بس تعرفي هاي المعلومات: 1️⃣ هل الرضاعة ممكن تسبب في ولادة مبكرة؟ ✅ الحقيقة: كل الدراسات يلي نعملت على هذا الموضوع حكت انه ما في اي اثر على الام ولا على الرضيع ولا على الجنين. فقط توقف الرضاعة اذا كان حمل الام ضعيف. وكمان الدراسات اثبتت انه الرضاعة خلال الحمل بعد الاسبوع ال 37 بتعمل محفز طبيعي وفعال جدا للولادة الطبيعية. 2️⃣ هل يتأثر جسمي وانا حامل ومرضع؟ ✅الحقيقة: طول ما الام بتأكل غذاء صحي و متوازن رح يكفيكم الثلاثه ومن غير اي تأثير على اي طرف. وبالعكس الدراسات اثبتت انه الاطفال يلي امهم بترضع بيجي وزنهم ممتاز. 3️⃣ الحامل المرضع رح تلاحظ انخفاض ملموس بالحليب؟ ✅الحقيقة: هذا صحيح لانه 70 % من الامهات بصير عندهم ضعف في الادرار في الفتره الثانية من الحمل والبعض ما بتأثر. بعض الاطفال بيفطموا حالهم لما يقل الحليب. 4️⃣الحامل المرضع بتقدر تنتج حليب مضاعف؟ ✅الحقيقة: نعم صحيح الام بس تنجب وهي بترضع حليبها بزيد جدا. واطفالهم بينمو و وزنهم بزيد بشكل ممتاز جدا. 5️⃣هل سيكون هناك اي مشاكل في عملية الرضاعة خلال الحمل؟ ✅الحقيقة: بعض الامهات تعاني من ضعف في الانتاج وممكن طفلها يرفض صدرها بسبب قلة الانتاج او تغير طعم الحليب بسبب الهرمونات. و بعض الامهات ممكن ان يعانوا من الم خلال الرضاعة. 6️⃣ هل الاستمرار في رضاعة الطفل الكبير رح تخفف غيره الأطفال من بعض؟ ✅الحقيقة:صح ومش صح هذا يعتمد على الأم وطريقة تعاطيها وتحضير طفلها و كمان عمر الطفل بلعب دور. ??اخر شي بعد الولادة لو اخدتي قرارك وبدك ترضعي كيف ترضعي ومن له الاولوية؟ رضعي عند الطلب و الحالة الوحيده يلي لازم تعطي الاولوية لحديث الولادة في اول اسبوع لما يكون موجود حليب اللبأ. والحالة الوحيدة يلي بتعطي فيها الاولوية لطفلك الكبير لما يكون عندك تحجير في الصدر وانتاج زائد بالحليب لانه الطفل الاكبر بيرضع اسرع وبريح وبخفف تدفق الحليب السريع عن حديث الولادة.